សិក្ខាសាលាស្តីពី ការផ្សព្វផ្សាយផលិតផលឥណទាន គម្រោងប្រកួតប្រជែងខ្សែច្រវាក់តម្លៃ និងលើកកម្ពស់សុវត្ថិភាពកសិកម្ម ថ្ងៃសុក្រ ៨រោច ខែផល្គុន ឆ្នាំរោង ឆស័ក ព.ស.២៥៦៨ ត្រូវនឹងថ្ងៃទី ២១ ខែមីនា ឆ្នាំ២០២៥ លោក យឹម ណន ប្រធានមន្ទីរ បានអញ្ជើញចូលរួមជាគណៈអធិបតីកិត្តិយសក្នុងសិក្ខាសាលាស្តីពី ការផ្សព្វផ្សាយផលិតផលឥណទាន គម្រោងប្រកួតប្រជែងខ្សែច្រវាក់តម្លៃ និងលើកកម្ពស់សុវត្ថិភាពកសិកម្ម ក្រោមអធិបតីភាពរបស់ឯកឧត្តម ស៊្រុន ស្រ៊ន់ អភិបាលរងនៃគណៈអភិបាលខេត្តកំពង់ស្ពឺ និងឯកឧត្តម ណី សាកល អគ្គនាយករងនៃនិយ័តករបរធនបាលកិច្ច មានអ្នកចូលរួមសរុបចំនួន ៨៥នាក់ ស្រី ១៧នាក់ ដែលរៀបចំនៅសាលប្រជុំសែនក្រអូប របស់មន្ទីរកសិកម្ម រុក្ខាប្រមាញ់ និងនេសាទខេត្តកំពង់ស្ពឺ គាំទ្រដោយគម្រោង ACSEP របស់ក្រសួងសេដ្ឋកិច្ច និងហិរញ្ញវត្ថុ។គោលបំណងនៃសិក្ខាសាលាគឺដើម្បី៖

•  ផ្តល់ព័ត៌មានអំពីសាវតា និងបច្ចុប្បន្នភាពនៃការអនុវត្តគម្រោង ACSEP សមាសភាគទី១

•  ផ្តល់ព័ត៌មានអំពីគោលនយោបាយឥណទានជូនដល់អង្គពិធី

•  ការបង្ហាញអំពីបែបបទ និតិវិធី ក្នុងការរៀបចំស្នើសុំកម្ចីដល់សហ្រគាសផលិតកែច្នៃ និងប្រមូលទិញដែលមានបំណងស្វែងរកទុនគាំ្រទ្រផលិតកម្មអាជីវកម្មលើវិស័យកសិកម្ម

•  កិច្ចពិភាក្សា សំណួរ-ចម្លើយ និងយន្តការទំនាក់ទំនង កិច្ចសហការផ្សេងៗ