សិក្ខាសាលាធ្វើកិច្ចព្រមព្រៀងជាមួយកសិករ អាជ្ញាធរ រៀបចំពង្រឹងសហគមន៍ស្រះជម្រកត្រីនៅភូមិក្រាំងប្រស្រុក ឃុំគីរីវន្ត ស្រុកភ្នំស្រួច។

ព្រឹកថ្ងៃទី១១ ខែមីនា ឆ្នាំ២០២៥

នាយកដ្ឋានអភិវឌ្ឍន៍វារីវប្បកម្ម នៃរដ្ឋបាលជលផល បានចុះរៀបចំសិក្ខាសាលាធ្វើកិច្ចព្រមព្រៀងជាមួយកសិករ អាជ្ញាធរ រៀបចំពង្រឹងសហគមន៍ស្រះជម្រកត្រី នៅភូមិក្រាំងប្រស្រុក ឃុំគីរីវន្ត ស្រុកភ្នំស្រួច និងចូលរួមសម្របសម្រួល ដោយ លោក ទេព ផល្លី នាយផ្នែករដ្ឋបាលជលផលសំរោងទង និងលោក សំ រិទ្ធីម នាយរងផ្នែករដ្ឋបាលជលផលឧដុង្គ ខណ្ឌរដ្ឋបាលជលផល នៃមន្ទីរកសិកម្ម រុក្ខាប្រមាញ់ និងនេសាទខេត្តកំពង់ស្ពឺ មានការចូលរួមពីក្រុមប្រឹក្សាឃុំ មេភូមិ គណកម្មការសហគមន៍ និងប្រជាពលរដ្ឋសរុបចំនួន២៧នាក់ ស្រី១៣នាក់ ។ បានពិភាក្សាជ្រើសរើសគណកម្មការសហគមន៍ជំនួសដែលគាត់បានទៅប្រកបការងារចំណាកស្រុកឆ្ងាយៗមិនអាចឆ្លៀតជួយការសហគមន៍ដូចជាការដើល្បាតពេលយប់ និងការងារផ្សេងៗ រុមប្រឹក្សាឃុំ មេភូមិ និងគណកម្មការសហគមន៍បានសំណូមពរជួយស្តារស្រះជម្រកត្រីដើម្បីរក្សាទឹកទុកនៅរដូវប្រាំងបានល្អប្រសើរ។