នាព្រឹកថ្ងៃពុធ ១៤រោច ខែមាឃ ឆ្នាំរោង ឆស័ក ព.ស ២៥៦៨ ត្រូវនឹងថ្ងៃទី២៦ ខែកុម្ភៈ ឆ្នាំ២០២៥ ស្រុកភ្នំស្រួច៖ លោក តឹក សាមឿន ប្រធានការិយាល័យ  លោកស្រី លី សំបូរ អនុប្រធានការិយាល័យ និងមន្រ្ដីការិយាល័យ ០១រូប បានអញ្ជើញចូលរួមមហាសន្និបាតបូកសរុបលទ្ធផលការងារប្រចាំឆ្នាំ២០២៤ និងលើកទិសដៅអនុវត្តបន្ត ឆ្នាំ ២០២៥ របស់សហគមន៍កសិកម្ម គាំទ្រកសិកររឹងមាំ ព្រមទាំងមានការចូលរួមពីតំណាងការិយាល័យកសិកម្ម ធនធានធម្មជាតិ និងបរិស្ថានស្រុកភ្នំស្រួច និងតំណាងរដ្ឋបាលឃុំអូរ ស្ថិតនៅភូមិ ព្រៃច្រេស ឃុំអូរ ស្រុកភ្នំស្រួច ខេត្តកំពង់ស្ពឺ ដែលមានអ្នកចូលរួមសរុបចំនួន ១០៣ នាក់ ក្នុងនោះមានស្រីចំនួន ៦៥ នាក់។

នៅចុងឆ្នាំ២០២៤ សហគមន៍កសិកម្ម បានបែងចែកប្រាក់ភាគលាភដល់សមាជិកទទួលបានក្នុងមួយហ៊ុន ១៥% ដែលបានមកពីប្រាក់ចំណេញសុទ្ធពីមុខរបរចំនួន២ គីឥណទានកសិកម្ម និងផ្គត់ផ្គង (ជីកសិកម្ម និងពូជស្រូវ)។ ក្នុងឆ្នាំ២០២៥ សហគមន៍មានផែនការបន្ថែមនូវមុខរបរថ្មីមួយទៀតគឺ ផលិតកម្មស្រូវពូជ។
នៅក្នុងមហាសន្និបាតនេះ សហគមន៍បានចែកអំណោយដល់គ្រួសារក្រីក្រ សម្ភារៈសិក្សាដល់សិស្សានុសិស្ស និងបានឧបត្ថម្ភកៅអីចំនួន ១៥កៅអី ជូនដល់់រដ្ឋបាលឃុំអូរ សម្រាប់ប្រើប្រាស់ក្នុងរដ្ឋបាលរបស់ឃុំផងដែរ។