លោក ជូ សារឹម ប្រធានការិយាល័យ លោក តឹក សាមឿន និងលោកស្រី សុខ រស្មី អនុប្រធានការិយាល័យអភិវឌ្ឍន៍សហគមន៍កសិកម្ម បានចូលរួមកិច្ចប្រជុំស្តីពី "កម្មវិធីគ្រប់គ្រងទិន្នន័យបែបឌីជីថល តាមសហគមន៍" នៅបន្ទប់ប្រជុំនៃការិយាល័យអភិវឌ្ឍន៍សហគមន៍កសិកម្ម នៃមន្ទីរកសិកម្ម រុក្ខាប្រមាញ់ និងនេសាទខេត្តកំពង់ស្ពឺ។ កិច្ចប្រជុំនេះ មានគោលបំណង៖

- ដើម្បីដាក់ឱ្យដំណើរការនូវកម្មវិធី អេស៊ីឌីជីត (AC Digit App) សម្រាប់សហគមន៍កសិកម្មប្រើប្រាស់ក្នុងការគ្រប់គ្រងទិន្នន័យសមាជិករបស់ខ្លួន។

- ដើម្បីបង្កើនកិច្ចសហការក្នុងការជម្រុញការប្រើប្រាស់ ការឆ្លុះបញ្ចាំង និងកែលម្អកម្មវិធីទូរស័ព្ទ អេស៊ីឌីជីត (AC Digit App) នាពេលអនាគត។

+លទ្ធផលកិច្ចប្រជុំ៖

- សិក្ខាកាមចូលរួមបានយល់ និងចេះប្រើប្រាស់កម្មវិធី អេស៊ីឌីជីត (AC Digit App) សម្រាប់សហគមន៍កសិកម្ម និងមានភាពងាយស្រួលក្នុងការគ្រប់គ្រងទិន្នន័យសមាជិករបស់ខ្លួន។

- បានបង្កើនកិច្ចទំនាក់ទំនងជាមួយភាគីពាក់ព័ន្ធ ក៏ដូចជាបានការឆ្លុះបញ្ចាំង និងកែលម្អកម្មវិធីទូរស័ព្ទ អេស៊ីឌីជីត (AC Digit App) លើចំនុចមួយចំនួនផងដែរ ដើម្បីងាយស្រួលដល់សហគមន៍ប្រើប្រាស់។

+សមាសភាពចូលរួមមាន៖ ក្រុមការងារអង្គការ LHCO, មន្ទីរកិច្ចការនារីខេត្ត, មន្ទីរអភិវឌ្ឍជនបទខេត្ត, ក្រុមការងារក្រុមហ៊ុនកូកូប៉ុន, មន្ត្រីការិយាល័យកសិកម្ម ធនធានធម្មជាតិ និងបរិស្ថានស្រុក, ក្រុមប្រឹក្សាឃុំ និងថ្នាក់ដឹកនាំសហគមន៍កសិកម្មចំនួន ៥ និង សហភាពសហគមន៍កសិកម្មចំនួន ១រូប សរុបអ្នកចូលរួមចំនួន ២១នាក់ ក្នុងនោះមានស្រ្តីចំនួន ៩នាក់។

ឧបត្ថម្ភដោយ៖ អង្គការក្តីសង្ឃឹមលូថេរ៉ានកម្ពុជាប្រចាំខេត្តកំពង់ស្ពឺ។