នាថ្ងៃចន្ទ ៧កើត ខែភទ្របទ ឆ្នាំរោង ឆស័ក ព.ស. ២៥៦៨ ត្រូវនឹងថ្ងៃទី០៩ ខែកញ្ញា ឆ្នាំ២០២៤
#ក្រុមការងារកម្មវិធីគាំទ្រសេដ្ឋកិច្ចជនបទនិងពាណិជ្ជកម្មផលិតផលកសិកម្ម(ASPIRE-AT) នៃមន្ទីរកសិកម្ម រុក្ខាប្រមាញ់ និងនេសាទខេត្តកំពង់ស្ពឺ ដឹកនាំដោយ លោក ឈឹម សុនា អនុប្រធានការិយាល័យផលិតកម្ម និងបសុព្យាបាល បានចុះសម្របសម្រួលមហាសន្និបាតកំណើតដំបូងសហគមន៍កសិកម្ម ដោយមានការអញ្ជើញចូលរួមដោយតំណាងអាជ្ញាធរស្រុក ឃុំ ភូមិ និងអ្នកពាក់ព័ន្ធសរុបចំនួន ១១០នាក់/ស្រី៤៦ នាក់។
+មហាសន្និបាតនេះរៀបចំឡើងក្នុងគោលបំណងដើម្បី៖
- កំណត់ឈ្មោះសហគមន៍កសិកម្ម
- បោះឆ្នោតជ្រើសរើសក្រុមប្រឹក្សាភិបាល និងគណៈកម្មការរបស់សហគមន៍
- កំណត់មុខរបរ
- កំណត់ប្រាក់ភាគហ៊ុន
- ការបែងចែកប្រាក់ភាគលាភ
លទ្ធផល៖
អង្គមហាសន្និបាតបានបោះឆ្នោតជ្រើសរើសថ្នាក់ដឹកនាំសហគមន៍កសិកម្ម និងបានអនុម័តការងារដូចខាងក្រោម៖
១. ថ្នាក់ដឹកនាំសហគមន៍កសិកម្ម
- ក្រុមប្រឹក្សាភិបាល ៖ ចំនួន ៧ រូប (ស្រី ២ រូប)
- គណៈកម្មាធិការត្រួតពិនិត្យ ៖ ចំនួន ៥ រូប (ស្រី ១ រូប)
២. ការអនុម័ត/សម្រេច
- ឈ្មោះសហគមន៍កសិកម្ម៖ សហគមន៍កសិកម្មចំរើនសាមគ្គីមានជ័យ
- ទីតាំង៖ ភូមិសក្ការៈ ឃុំពោធិចំរើន ស្រុកបសេដ្ឋ
- ប្រាក់ភាគហ៊ុន៖ ១០ ០០០រៀល/ហ៊ុន
- ប្រាក់សមាជិកភាព៖ ៣០០០រៀល/គ្រួសារ
- មុខរបរ៖ ចិញ្ចឹមមាន់ ទិញស្រូវ ដាំបន្លែ វារីវប្បកម្ម និងកែច្នៃ
- ការបែងចែកប្រាក់ភាគលាភ (ដូចមានលំអិតក្នុងលក្ខន្តិកៈ)។
រក្សាសិទិ្ធគ្រប់យ៉ាងដោយ ក្រសួងកសិកម្ម រុក្ខាប្រមាញ់ និងនេសាទ
រៀបចំដោយ មជ្ឈមណ្ឌលព័ត៌មាន និងឯកសារកសិកម្ម