នាថ្ងៃប្រពហស្បតិ៍ ១៣កើត ខែជេស្ឋ ឆ្នាំរោង ឆស័ក ព.ស២៥៦៨ ត្រូវនឹងថ្ងៃទី១៨ ខែកក្កដា ឆ្នាំ២០២៤
លោក ថេន ប្រពៃ អនុប្រធានការិយាល័យ និងលោក អឿន រ៉ាឆាន់ មន្រ្តីការិយាល័យរដ្ឋបាល និងបុគ្គលិក បានចូលរួមសិក្ខាសាលាស្តីពី "ការយល់ដឹង និងប្រើប្រាស់បច្ចេកវិទ្យាព័ត៌មានក្នុងវិស័យកសិកម្ម" ក្រោមកិច្ចដឹកនាំប្រជុំដោយលោក យ៉ាវ វេង ប្រធានមជ្ឈមណ្ឌលឯកសារ និងព័ត៌មានវិទ្យា នៃក្រសួងកសិកម្ម រុក្ខាប្រមាញ់ និងនេសាទ ព្រមទាំងមានការចូលរួមពីក្រុមការងារមជ្ឈមណ្ឌល មន្រ្តីទទួលបន្ទុកផ្នែកព័ត៌មានវិទ្យាទាំង ២៥រាជធានី-ខេត្ត ដែលប្រព្រឹត្តទៅនៅទីរួមខេត្តកំពត មានរយៈពេល ០២ថ្ងៃ គឺចាប់ពីថ្ងៃទី ១៨-១៩ ខែកក្កដា ឆ្នាំ២០២៤។ សិក្ខាសាលានេះ មានគោលបំណង ដើម្បីសិក្សាពីកង្វះខាត និងបញ្ហាប្រឈមក្នុងការអនុវត្តការងារឌីជីថល ពង្រឹងសមត្ថភាពជំនាញឌីជីថលចាំបាច់ អក្ខរកម្មឌីជីថល ការរៀបចំមាតិកា និងផ្សព្វផ្សាយព័ត៌មានដល់មន្រ្តីមន្ទីរកសិកម្ម រុក្ខាប្រមាញ់ និងនេសាទ រាជធានី-ខេត្ត ក្នុងការរួមចំណែកជំរុញបរិវត្តកម្មឌីជីថលរបស់ក្រសួង។
រក្សាសិទិ្ធគ្រប់យ៉ាងដោយ ក្រសួងកសិកម្ម រុក្ខាប្រមាញ់ និងនេសាទ
រៀបចំដោយ មជ្ឈមណ្ឌលព័ត៌មាន និងឯកសារកសិកម្ម