-លោក ជា ហុកលី ប្រធានការិយាល័យក្សេត្រសាស្រ្ត និងផលិតភាពកសិកម្ម អមដំណើរឯកឧត្តម ព្រំ វណ្ណៈ អភិបាលរង នៃគណៈអភិបាលខេត្តកំពង់ស្ពឺ អញ្ជើញចូលរួមសិក្ខាសាលាពិគ្រោះយោបល់ថ្នាក់ក្រោមជាតិស្តីពី “ការរៀបចំយុទ្ធសាស្រ្តជាតិ សន្តិសុខស្បៀង និងអាហារូបត្ថម្ភ២០១៩-២០២៣” នៅខេត្តកំពត ក្នុងគោលបំណង៦ចំណុចដូចជា៖
១. ពង្រឹងបរិស្ថានស្បៀង និងឥរិយាបថអ្នកប្រើប្រាស់ សម្រាប់ជម្រើសអាហារសុខភាព
២. ជំរុញផលិតកម្មស្បៀងចំរុះប្រកបដោយអាហាររូបត្ថម្ភ
៣. បង្កើនភាពមាន ការទួលបាន និងការប្រើប្រាស់ទឹកស្អាត និងអនាម័យ សេវាសុខភាព ដែលមានគុណភាព
៤. លើកកម្ពស់សមភាពក្នុងការទទួលបានស្បៀងគ្រប់គ្រាន់ ចម្រុះ និងប្រកបដោយអាហារូបត្ថម្ភល្អ
៥. គាំពារសន្តិសុខស្បៀង អាហារូបត្ថម្ភ និងសុខភាពពីហានីភ័យ វិបត្តិនិងគ្រោះមហន្តរាយធម្មជាតិនានា
៦. ធានាឲ្យមានការរៀបចំអភិបាលកិច្ចប្រកបដោយប្រសិទ្ធភាពសម្រាប់វិស័យសន្តិសុខស្បៀង និងអាហារូបត្ថម្ភ។
ក្រោមអធិបតីភាពឯកឧត្តម សំ សារ៉ាត់ អនុប្រធានក្រុមប្រឹក្សាស្តារអភិវឌ្ឍន៍វិស័យកសិកម្ម និងជនបទ ព្រមទាំងមន្ទីរវិស័យតាមបណ្តាខេត្តមួយចំនួន សរុបអ្នកចូលរួមប្រមាណ ៦០នាក់។
រក្សាសិទិ្ធគ្រប់យ៉ាងដោយ ក្រសួងកសិកម្ម រុក្ខាប្រមាញ់ និងនេសាទ
រៀបចំដោយ មជ្ឈមណ្ឌលព័ត៌មាន និងឯកសារកសិកម្ម