នាថ្ងៃសៅរ៍ ១៤រោច ខែពិសាខ ឆ្នាំកុរ ឯកស័ក ពុទ្ធសករាជ ២៥៦៣ ត្រូវនឹងថ្ងៃទី ០១ ខែ មិថុនា ឆ្នាំ២០១៩

នៅសាលប្រជុំនៃមន្ទីរកសិកម្ម រុក្ខាប្រមាញ់ និងនេសាទខេត្ត បានរៀបចំកិច្ចប្រជុំស្តីពី "សេចក្តីពង្រាងនៃលក្ខខន្តិកៈ និងបទបញ្ជាផ្ទៃក្នុងរបស់សហភាពសហគមន៍កសិកម្ម" ដោយមានកិច្ចសហការរវាងការិយាល័យអភិវឌ្ឍន៍សហគមន៍កសិកម្ម នៃមន្ទីរកសិកម្ម រុក្ខាប្រមាញ់ និងនេសាទខេត្ត និងនាយកដ្ឋានអភិវឌ្ឍន៍សហគមន៍កសិកម្ម នៃអគ្គនាយកដ្ឋានកសិកម្ម និងមានការចូលរួមពីតំណាងសហគមន៍កសិកម្មចំនួន ២២ ជុំវិញខេត្ត សរុបអ្នកចូលរួមចំនួន ៤៨នាក់/ស្រ្តី ៨នាក់ ក្នុងគោលបំណង ដើម្បីចងក្រងសហគមន៍កសិកម្មទាំង ២២ ទៅជាសហភាពសហគមន៍កសិកម្ម។