ថ្ងៃព្រហស្បតិ៍ ៥រោច ខែពិសាខ ឆ្នាំកុរ ឯកស័ក ពុទ្ធសករាជ ២៥៦៣ ត្រូវនឺងថ្ងៃទី ២៣ ខែឧសភា ឆ្នាំ២០១៩
លោកស្រី ណុប សុគន្ធ អនុប្រធានមន្ទីរ និងមន្រ្តីការិយាល័យរដ្ឋបាល បុគ្គលិក ១រូប បានចូលរួមបើកវគ្គបណ្តុះបណ្តាលគ្រូបង្គោលស្តីពី ”ភាពជាដៃគូររវាងស្ថាប័នរដ្ឋ និងវិស័យឯកជន និងកិច្ចសន្យាជួលអ្នកខាងក្រៅ” ដែលរៀបចំដោយនាយកដ្ឋានផ្សព្វផ្សាយកសិកម្ម នៃអគ្គនាយកដ្ឋានផ្សព្វផ្សាយកសិកម្ម ឧបត្ថម្ភដោយ កម្មវិធីASPIRE និងរដ្ឋាភិបាលកម្ពុជា នៅមន្ទីរកសិកម្ម រុក្ខាប្រមាញ់ និងនេសាទ ខេត្តពោធិ៍សាត់ ដែលមានការចូលរួមពី លោក ខៀន សុវណ្ណារ៉ា អនុប្រធាននាយកដ្ឋានផ្សព្វផ្សាយកសិកម្ម ព្រមទាំងមន្ត្រីរាជការ មកពីតាមបណ្តាខេត្តចំនួន ១០ អ្នកចូលរួមសរុប ២៧ នាក់/ស្រ្តី ៥នាក់ ។ វគ្គ បណ្តុះបណ្តាលនេះមានរយះពេល ២ថ្ងៃ គឺថ្ងៃទី២៣-២៤ ខែឧសភា ឆ្នាំ២០១៩ ។ ក្នុងគោលបំណងដើម្បី:
១. បង្កើនសមត្ថភាពគ្រូបង្គោលថ្នាក់ខេត្តអំពីដំណើរការ ឬបែបបទថ្មីនៃការផ្តល់ថវិកាសម្រាប់កិច្ចសន្យាជួលអ្នកខាងក្រៅ និងភាពជាដៃគូ រវាងរដ្ឋនិងឯកជនរួមទាំងដំណើរការនៃការវាយតម្លៃចំណេះដឹងនៅមុនពេលជ្រើសរើស
២.ចែករំលែកបទពិសោធន៍នៃការអនុវត្តសកម្មភាព កិច្ចសន្យាជួលអ្នកខាងក្រៅនិងភាពជាដៃគូរវាងរដ្ឋ និងវិស័យឯកជន របស់ខេត្តគោលដៅកម្មវិធី ASPIRE ចាស់។
រក្សាសិទិ្ធគ្រប់យ៉ាងដោយ ក្រសួងកសិកម្ម រុក្ខាប្រមាញ់ និងនេសាទ
រៀបចំដោយ មជ្ឈមណ្ឌលព័ត៌មាន និងឯកសារកសិកម្ម