ថ្ងៃសុក្រ ៧កើត ខែពិសាខ ឆ្នាំកុរ ឯកស័ក ពុទ្ធសករាជ ២៥៦២ ត្រូវនឹងថ្ងៃទី១០ ខែឧសភា ឆ្នាំ២០១៩
ខណ្ឌរដ្ឋបាលព្រៃឈើកំពង់ស្ពឺ
-លោក ផល មុនី នាយខណ្ឌរដ្ឋបាលព្រៃឈើ បានចូលរួមកិច្ចប្រជុំផ្សព្វផ្សាយស្តីពី”ការប្រយុទ្ធប្រឆាំងនឹងពាណិជ្ជកម្មការជួញដូរសត្វព្រៃខុសច្បាប់” នៅទីស្តីការក្រសួងកសិកម្ម។
-លោក អ៊ុក សារ៉ា នាយរងខណ្ឌរដ្ឋបាលព្រៃឈើ បានចូលរួមនូវព្រះរាជពិធីថ្វាយព្រះពរព្រះករុណា ព្រះបាទសម្តេច ព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា ក្នុងគម្រប់ព្រះជន្ន ៦៦ យាងចូល៦៧ ព្រះវស្សា នៅមុខសាលាខេត្តកំពង់ស្ពឺ។
-កំលាំង ផ្នែករដ្ឋបាលព្រៃឈើកំពង់ស្ពឺ និងសង្កាត់រដ្ឋបាលព្រៃឈើ ក្រោមឱវាទ បានចុះពិនិត្យថែទាំដើមច័ន្ទគីរី តាមផ្លូវជាតិលេខ៤។
-រសៀលថ្ងៃទី៩ ខែឧសភា ឆ្នាំ២០១៩ លោក អ៊ូ សាមឿន នាយរងផ្នែករដ្ឋបាលព្រៃឈើ និងនាយសង្កាត់រដ្ឋបាលព្រៃឈើថ្ពង និងសហគមន៏ព្រៃឈើប្រាំបីមុម បានជួបជាមួយលោក ឡុង រតនៈកុមា និងលោក អោម សុផាណា នៅសង្កាត់រដ្ឋបាលព្រៃឈើថ្ពង។
-លោកនាយផ្នែករដ្ឋបាលព្រៃឈើបសេដ្ឋ រួមជាមួយលោកនាយសង្កាត់រដ្ឋបាលព្រៃឈើត្រែងត្រយឹង បានចូលរួមពិធីសម្ពោធជាផ្លូវការរោងចក្រវេចខ្ចប់ និងនាំចេញផ្លែចេកស្រស់កម្ពុជា នៅស្រុកឈូក ខេត្តកំពត ។
-លោក សុខ សុខុន នាយរងផ្នែករដ្ឋបាលព្រៃឈើបសេដ្ឋ និងលោកនាយរងសង្កាត់រដ្ឋបាលព្រៃឈើគីរីវ័ន្ត បានចុះពិនិត្យមើលចំការឈើរុក្ខទិវាឆ្នាំ២០១០ នៅភូមិស្តុកជ្រៃ ឃុំតាំងសំរោង ស្រុកភ្នំស្រួច។
-លោក ឃុត អាត នាយរងសង្កាត់រដ្ឋបាលព្រៃឈើគងពិសី និងលោក ហេង សុថារិទ្ទ នាយរងសង្កាត់រដ្ឋបាលព្រៃឈើត្រែងត្រយឹង បានចុះសម្របសម្រួលដោះស្រាយទំនាស់នៅក្រុមហ៊ុន CJ។
-ពុំមានបទល្មើសព្រៃឈើទេ។