កិច្ចប្រជុំនេះមានការអញ្ជើចូលរួមពីថ្នាក់ដឹកនាំ មន្ត្រីពាក់ព័ន្ធ នៃក្រសួងកសិកម្ម រុក្ខាប្រមាញ់ និងនេសាទ ដែលជា សមាជិកសមាជិការគណៈកម្មការគ្រប់គ្រងគម្រោង និងលោកស្រីតំណាង UNDP ដោយធ្វើការពិភាក្សាលើចំណុចំនួន ៤ (១)វឌ្ឍនភាពដែលគម្រោងបានសម្រេចបានក្នុងឆ្នាំ២០១៨ (២)លទ្ធផលវាយតម្លៃពាក់កណ្តាលអាណត្តិគម្រោង (៣)MTR Finding (Recommendation) និង(៤)សេចក្តីព្រាងនៃផែនការឆ្នាំ២០១៩-២០២០។

ក្នុងនាមក្រសួងកសិកម្ម រុក្ខាប្រមាញ់ និងនេសាទ ឯកឧត្ដមរដ្ឋលេខាធិការ ដែលជានាយកគម្រោង និងប្រធានគណៈកម្មាធិការតម្រង់ទិសគម្រោង បានបូកសរុបរបាយការណ៍ក្នុងកិច្ចប្រជុំ និងអនុសាសន៍ដូចខាងក្រោម:

របៀបវិរទីមួយ
-ត្រូវព្យាយាមណែនាំដល់កសិករអំពីរផលទទួលបានភ្លាមៗពីគម្រោងខាងលើ
-គួរពន្យាពេលគម្រោង រយៈពេលពី៣ ទៅ៦ ខែទៀត
-មន្ទីរ និងអាជ្ញាមូលដ្ឋានត្រូវចូលរួមដើម្បីឲ្យការអនុវត្ដគម្រោងទទួលបានជោគជ័យ
-គម្រោងត្រូវពង្រីកចំណេះ ដល់ថ្នាក់ក្រោមជាតិ ដើម្បីបង្កើនប្រសិទ្ធភាពក្នុងការអនុវត្ដគម្រោង
-ជម្រុញថ្នាក់ក្រោមជាតិ ឲ្យខិតខំបង្កើនចំណេះដឹងបន្ថែមទៀត

របៀបវិរទី២
-មិនគួរបញ្ជូលមន្ទីរធនធានទឹកចូលជាសមាជិកគណៈកម្មាធិការគម្រោងឡើយ ដោយសារការអនុវត្ដគម្រោងនៅសល់រយៈពេលខ្លីពេក
-ត្រូវកែពាក្យមួយចំនួនក្នុង Team Review 
-ត្រូវគិតគូផ្តោតខ្លាំងបន្ថែមលើអ្នកដែលទទួលបានដីសម្បទានសេដ្ឋកិច្ច និងអ្នកមានដីធំៗ ដែលមានសក្តានុពលបង្កផលប៉ះពាល់នៅក្នុងតំបន់ទីជំរាល។

របៀបវិរៈទី៣ ទិសដៅអនុវត្ដ ២០១៩-២០២០. 
-ពិនិត្យតាមដានអ្នករៀបចំកម្មវិធី និងអ្នកផ្ដល់ថវិកា 
-គួរបញ្ចូលមន្ទីរកសិកម្ម រុក្ខាប្រមាញ់ និងនេសាទខេត្ដកំពង់ស្ពឺ និងសាកលវិទ្យាល័យភូមិន្ទកសិកម្ម ជាសមាជិកគណៈកម្មធិការគ្រប់គ្រងគម្រោង។