នារសៀលថ្ងៃពុធ ១៥កើត ខែអស្សុជ ឆ្នាំច សំរឹទ្ធិស័ក ព.ស ២៥៦២ ត្រូវនឹងថ្ងៃទី២៤ ខែ តុលា ឆ្នាំ២០១៨
នៅសាលប្រជុំមន្ទីរកសិកម្ម រុក្ខាប្រមាញ់ និងនេសាទខេត្តកំពង់ស្ពឺ បានរៀបចំការប្រជុំប្រចាំខែតុលា និងទិសដៅសម្រាប់ខែវិច្ឆិកា ឆ្នាំ២០១៨ ក្រោមការដឹកនាំប្រជុំដោយលោក ឈៀង តុលា ប្រធានមន្ទីរកសិកម្ម រុក្ខាប្រមាញ់ និងនេសាទ ព្រមទាំងថ្នាក់ដឹកនាំខ័ណ្ឌទាំង២ ការិយាល័យចំណុះមន្ទីរទាំង១០ និងការិយាល័យកសិកម្មស្រុក ក្រុង ទាំង៨។ កិច្ចប្រជុំនេះមានគោលបំណង ដើម្បីបូកសរុបលទ្ធផលការងារកសិកម្ម និងការងារពាក់ព័ទ្ធផ្សេងៗទៀត ប្រចាំខែតុលា និងលើកទិសដៅបន្ត សម្រាប់អនុវត្តនៅខែបន្ទាប់។ ជាលទ្ធផលការងារបង្កបង្កើនផលសម្រេចបានដូចខាងក្រោម៖
- -ផែនការ ១១៣,៦០០ហ.ត
- -ភ្ជួរសរុប ១៨៥,៤៥៧ហ.ត
- -ភ្ជួរដោយគ្រឿងយន្ត ១៤៥,៦៦២ហ.ត
- -សាបសរុប ៦,១៩០ហ.ត
- -ស្ទូង ព្រោះ ១១៣,៥៤៨ហ.ត
- -ភាគរយ ៩៩,៩៥ %
- -ដំណាំរួមផ្សំ ៣,២៨៦ ហ.ត
ចំពោះលទ្ធផលសម្រាប់អនុវត្តខែបន្ទាប់សំខាន់រួមមាន៖
- ចុះពិនិត្យស្ថានភាពលូតលាស់ របស់ដំណាំស្រូវរដូវវស្សា ណែនាំអំពីការគ្រប់គ្រងទឹកក្នុងស្រែអោយបានល្អ និងតាមដានវត្តមានកត្តាចង្រៃផ្សេងៗលើដំណាំ
- បន្តតាមដានការអនុវត្តគម្រោងជម្រុញផលិតកម្មស្បៀង គម្រោងជម្រុញផលិតកម្មដំណាំបន្លែរដូវវស្សា និងគម្រោងឡាំសិត ២
- បន្តចុះស្រង់ធ្វើបច្ចុប្បន្នភាព និងបូកសរុបស្ថិតិគ្រឿងយន្តកសិកម្ម និងឧបករណ៍កសិកម្មប្រចាំឆ្នាំ២០១៨
- បើកវគ្គផ្សព្វផ្សាយច្បាប់ ស្តីពីការគ្រប់គ្រងអាជីវកម្មសម្ភាកសិកម្មនៅស្រុកថ្ពង, ភ្នំស្រួច និងគងពិសី
- បន្តចុះពិនិត្យតាមដានមូដ្ឋានអាជីវកម្មសម្ភាកសិកម្ម ជមរុញការអនុវត្តច្បាប់ជូនអាជីវកម្មជូនអាេជីវករ និងមានវិធានការផ្លូវច្បាប់ចំពោះជនប្រព្រឹត្តបទល្មើស
- បន្តចុះពិនិត្យតាមដាន និង សម្របសម្របសម្រួល ការងារដាំដុះរបស់ក្រុកហ៊ុនសប្បទានសេដ្ឋកិច្ច
- បន្តចុះត្រួតពិនិត្យអនាម័យសត្វ សាច់ នៅតាមទីសត្តឃាត និងកន្លែងដាក់តាំងលក់សាច់ ពិនិត្យតាមដាន និងព្យាបាលជម្ងឺសត្វ បន្តចុះចាក់វ៉ាក់សាំងសារទឹក និងអុតក្តាមគោ-ក្របីតាមបណ្តាលស្រុក និងផ្សព្វផ្សាយការសាងសង់ឡជីវឧស្ម័ន
- បន្តចុះត្រួតពិនិត្យបទល្មើសជលផល, សហគមន៍ស្រះជម្រកត្រីធម្មជាតិ និងស្រង់ស្ថិតិការផលិត និងលក់កូនត្រីពូជ
- បន្តផ្សព្វផ្សាយ និងអនុវត្តច្បាប់ ដើម្បីទប់ស្កាត់បទល្មើសព្រៃឈើ និងសត្វព្រៃគ្រប់ប្រភេទ, ជម្រុញការធ្វើវិយ័តកម្មច្បាប់ដល់បណ្តារោងជីវកម្មផល អនុផលព្រៃឈើ, បន្តការថែទាំ និងការបណ្តុះកូនឈើ
- រៀបចំរបាយការណ៍ស្នើសុំបៀវត្សខែវិច្ឆិកា ឆ្នាំ២០១៨
- ចុះស្រង់តម្លៃទីផ្សារកសិផលប្រចាំសប្តាហ៍ បញ្ជូនទៅនាយកដ្ឋានផែនការស្ថិតិ នៃក្រសួងកសិកម្ម រុក្ខាប្រមាញ់ និងនេសាទ